Энэхүү нийтлэлд бид танд өдөр бүр 10 минут л зарцуулах зургаан Аюрведын өөрийгөө анагаах аргыг танилцуулж байна. Эдгээрийг тогтмол хэрэгжүүлснээр бие махбод, сэтгэл зүй, оюун санааны эрүүл мэнд тань сайжрах болно.
Эртний энэхүү анагаах ухааны онолоор эрүүл байх үндэс нь бие, сэтгэл, оюун санааны бүрэн зохицолд орших ажээ. Аюрведа бол хамгийн эртний цогц анагаах ухаан бөгөөд өнөө үед ч хэрэглэсээр байна. Энэтхэгийн ард түмэн уламжлалт анагаах ухаанаас илүүтэй Аюрведыг илүүд үздэг бөгөөд сургуулиуд, их дээд сургуульд нь албан ёсоор зааж сургадаг.
Бие, сэтгэл, оюун санаа зохицолд оршиж байвал хүн эрүүл байна — энэ бол Аюрведын гол философи бөгөөд энэхүү эртний Энэтхэгийн анагаах ухааны үндэс нь юм. Аюрведа нь орчлон ертөнц бүхэлдээ эрчим хүчээр нэвчсэн, хоорондоо уялдаа холбоотой гэж үздэг.
Бие махбодыг амьд, эрүүл байлгахад оролцдог гурван төрлийн доша буюу био зохицуулагч бий: вата, капха, питта.
Вата – амьсгалыг зохицуулна
Капха – биеийн хүч, бүтэц
Питта – бодисын солилцоог хариуцдаг
Хэрэв эдгээр нь харилцан зохицолтой байвал бид өөрсдийгөө сайн мэдэрдэг.
Өдөр бүрийн 10 минутын эртний өөрийгөө анагаах арга
Өглөө – 6 минут
1. Хэл цэвэрлэх – 30 секунд
Шүдээ угаасны дараа хэлээ цэвэрлэх хэрэгтэй. Үүний тулд тусгай хэл цэвэрлэгч, сойз эсвэл иргүй зүйл ашиглаж болно. Элэг, цөсний хүүдий, бөөр зэрэг эрхтнүүд нь биеэс хорт бодисыг гадагшлуулах үүрэгтэй. Эдгээр бодисуудын зарим нь хэлэн дээр тунаж үлддэг бөгөөд тэдгээрийг цэвэрлэхгүй бол энерги урсах урсгал хаагддаг гэж Аюрведад үздэг.
2. Гүнжидийн тосоор амаа зайл – 2 минут
Шүдээ угаасны дараа 1 халбага гүнжидийн тосоор амаа 2 минут зайлж, дараа нь бүлээн усаар зайлах. Энэ нь шүдний өнгөр, цоорол, буйлны үрэвслээс сэргийлнэ. Гүнжидийн тос нь мөөгөнцөр, нян, вирусын эсрэг үйлчилгээтэй бөгөөд линолийн хүчлээр баялаг.
3. Бие иллэг – 3 минут
Зөөлөн сойз ашиглан биеэ иллэг хийнэ. Дараах дарааллаар 10–20 удаа иллэг хийнэ:
Хүзүү, нуруу (гар хүрэх хэмжээнд)
Мөр, гар, хуруу – дугуй хөдөлгөөнөөр
Цээж – хөндлөн хөдөлгөөнөөр
Гэдэс – дээрээс доош, зүүнээс баруун чигт
Гуя – гадна талаас нь дотогш, дээрээс доош
Өвдөг, хөл – дугуй хөдөлгөөнөөр
Иллэг нь цусны эргэлтийг сайжруулж, энерги сэргээдэг. Арьсны бүх хэсэг дотоод эрхтнүүдтэй холбоотой байдаг тул иллэг нь тэдгээрийн үйл ажиллагааг дэмждэг гэж Аюрведын анагаах ухаанд онцолдог.
Өдрийн турш – 2 минут
4. Халуун ус уух – 30 секунд
Хагас литр усыг 10–15 минут буцалгаж термосонд хадгална. Түүнийгээ 30 минут тутамд 3 балгаж ууна. Буцалгасан ус нь хоол боловсруулалтыг дэмжиж, хорыг гадагшлуулахад тусалдаг.
5. Амьсгалын дасгал – 2 минут
Хамраараа гүнзгий амьсгаа авч, хэдэн секунд барьж байгаад хамраараа амьсгалаа гаргана. Юу ч бодохгүй байхыг хичээ. Хэрэв төвлөрч чадахгүй байвал далайн эрэг, салхи зэргийг төсөөл. Ядаргаа, уур, айдас нь дотоод эрхтнүүдийг өвчлүүлдэг. Тайвшрах нь эрүүл мэндэд чухал ач холбогдолтой бөгөөд энэ дасгалыг хийснээр аз жаргалын гормон болох эндорфин ялгардаг.
Орой – 7 минут
6. Хоол боловсруулах эрхтнийг идэвхжүүлэх, нойрыг сайжруулах – 2 минут
Гүнжидийн тосыг бага зэрэг халааж, хэдэн дуслыг гэдсэн дээрээ дусаана. Бүтэн алгандаа тосоо түрхээд, гэдсээ цагийн зүүний дагуу зөөлөн иллэг хийнэ. Дараа нь бүлээн усанд норгосон алчуураа гэдсэн дээрээ тавьж, хөртөл байлгана. Эцэст нь арчина. Энэхүү иллэг нь гэдэсний агшилтыг идэвхжүүлж, хоол шингээхэд тусалдаг бөгөөд шингээлтийн доголдлоос үүдэлтэй нойргүйдлийг арилгахад ч нөлөө үзүүлдэг. Шар тос байсан ч болно.
7. Унтахын өмнө хөлдөө иллэг хийх
Хөлийн уланд иллэг хийснээр амин чухал эрхтэнүүдэд очих цусны урсгал нэмэгдэж, эсийн төлжилт түргэсгэн, эд эсийн бодисын солилцооны дүнд ялгарсан хортой бодисууд зайлуулагддаг.
Гэхдээ хөлийг зөвхөн илэх биш био идэвхт цэгүүдэд хүрэх нь чухал юм. Илүү дэлгэрэнгүйг “Алтан Мутрын Залуужуулах Нууц Жор” номоосоо суралцаарай. Таны хөл таны эрүүл мэндийн тухай хэзээ ч худлаа хэлэхгүй.
Ингээд л болоо — энгийн атлаа хүчтэй! Маргаашаас эхлээд үзээд үзээрэй.
Хэрэв бидний нийтлэл танд эерэг нөлөө үзүүлсэн бол бидний ажлыг дэмжээрэй. Талархлаа!
