Та хөлөө арчлахаа бүү март. Таны хөл, өлмий танд бүрэн дүүрэн үйлчилж байдаг. Харин та түүнийг эрүүл байхад нь туслаарай.
Хөлийн ул буюу өлмийг тогтмол арчлах нь нэн чухал төдийгүй олон тооны өвчин эмгэгүүдээс урьдчилан сэргийлэхэд тусладаг. Учир нь өлмий дахь нарийн энергийн сувгууд нь биеийн бүхий л эд эрхтнүүдтэй холбогддог.
Өлмий буюу хөлийнхөө улыг үргэлж цэвэр байлга. Дотор эд эрхтнүүдэд сөрөг үр дагавар учруулахгүйн тулд хөлийнхөө хөлс ялгаралтанд анхаарал тавь. Хөлийг тань барихааргүй, үрээд байхааргүй, чөлөөтэй, хөлд эвтэйхэн гутлыг ямагт өмс
Орой унтахын өмнө биеэ хорт бодисуудаас ерөнхийд нь цэвэрлэх хэрэгтэй. Үүний тулд бүлээн устай саванд чулуун давс 2 цайны халбагыг хийж хөлөө 5-10 минут байлгасны дараа гүнждийн тосоор өлмийгөө тослоорой. Долоо хоногт нэг удаа хөлдөө маск тавь. Бүйлс болон сэвэг зармын гурилыг ижил хэмжээтэй хольж хөлийнхөө улан дээр тавьж, 10 минут болгоод бүлээн усаар угааж, тос түрхэж массаж хийгээрэй. Ийм төрлийн массаж иллэг нь таныг нойргүйдлээс ангижрахад туслана.
Сууж байх үедээ хоёр өлмий доороо тенниссний бөмбөг өнхрүүл. Энэ дасгал нь хөлийн улны булчингуудыг бэхжүүлж, үеүдийг илүү уян хатан болгодог.
-Одоо зун цаг. Өвсөн дээгүүр хөл нүцгэн явж сураарай. Ялангуяа өглөөн цагаар. Энэ нь хөлийн уланд маш сайн амралт болдог.
Боломжтой бол хөлийнхөө өлмийд тогтмол тостой иллэг хийж байгаарай. Иллэг нь сэтгэл санааны байдлыг тэнцвэржүүлж, цус болон тунгалагийн системийн эргэлтийг сайжруулна. Үүний ачаар ядаргаа арилж, хараа сайжирна. Хөлөө арчлахад цаг гарга. Яагаад гэвэл эрүүл мэнд бүхний үндэс гэдгийг та ч өөрөө ойлгож буй шүү дээ.
Эх сурвалж: Boldsukh Badamsed Аюурведийн эмч Олег Торсуновын лекцээс
