Аюрведын уламжлалт анагаах ухаанд хөлийн иллэгийг бие, сэтгэл, эрүүл мэндийг тэнцвэржүүлэх үр дүнтэй арга хэмээн үздэг. Энэхүү нийтлэлд бид хөлийн иллэгийн анагаах увидас, түүхэн үндэс, физиологийн болон сэтгэлзүйн нөлөөллийг шинжлэх ухааны үүднээс тайлбарлана.
Дорно дахины анагаах ухаан болон, энэтхэгийн ведийн уламжлалд хөлийн иллэг нь зөвхөн биеийн өвчнийг эмчлэх төдийгүй сэтгэлийн тэнцвэр, ухамсрын нөлөөнд ч эерэг хандлага үүсгэдэг хэмээн бичигдсэн байдаг. Орчин үед ч энэхүү уламжлал Дорно дахины орнуудад хүүхдүүд эцэг эхдээ үйлчилдэг хүндэтгэлийн зан үйл хэлбэрээр хадгалагдсаар байна. Дорно дахины сургаалд эцэг эхийнхээ хөлд нэг удаа иллэг хийхэд жаахан ч гэсэн ачыг нь хариулж буй хэмээн хүндэлдэг ажээ.
Хүн бүрийн хөлд:
-
26 яс
-
33 үе
-
7,000 гаруй мэдрэлийн төгсгөл
-
Олон арван био идэвхт цэг байрладаг
Аюрведын сударт хөлийг “үйлдлийн эрхтэн” гэж нэрлэж, эдгээр цэгүүдийг өдөөх нь холбогдох эрхтнүүдийн үйл ажиллагааг дэмжих, тэнцвэржүүлэх чухал арга болдог гэж тэмдэглэсэн. Жишээлбэл:
| Хөлийн хэсэг | Хамаарах эрхтэн |
|---|---|
| Том хурууны үзүүр | Хүйс булчирхай (Pineal gland) |
| Том хурууны дунд хэсэг | Тархины доод булчирхай (Pituitary) |
| Хурууны суурь | Нүд, чих, уушги |
| Улангийн төв хэсэг | Нойр булчирхай |
| Өсгий | Суудлын мэдрэл |
Хөлийн иллэг нь эдгээр цэгүүдийг идэвхжүүлж, биеийн энергийн урсгалыг (прана) чөлөөлдөг гэж үздэг. Сэтгэлзүйн судалгаагаар стресс нь дархлааны системийг сулруулж, олон өвчний үндэс болдог нь батлагдсан. Доктор Ладын судалснаар, стресс хөлийн уланд хуримтлагдаж, тухайн бүсийг өвчлөмтгий болгодог. Иллэг хийх нь:
-
Дархлааны хариу урвалыг идэвхжүүлдэг нейропептидүүдийг ялгаруулна
-
Сэтгэлзүйн тэнцвэрийг дэмжинэ
-
Нойр, сэтгэл хөдлөлийн хариу үйлдлийг зохицуулна
Тосны эмчилгээ
Аюрведын онолоор хүний биед вата, питта, капха гэсэн гурван үндсэн доша буюу биеийн энергийн төрлүүд байдаг. Эдгээрийг тэнцвэржүүлэх нь эрүүл мэндийг хадгалах гол түлхүүр юм.
| Доша | Шинж чанар | Тохиромжтой тос |
|---|---|---|
| Вата | Хуурай, хүйтэн, хөдөлгөөнт | Кунжутын тос, шар тос |
| Питта | Халуун, хурц, эмзэг | Наргил модны тос, касторын тос |
| Капха | Хүнд, чийгтэй, удаан | Гичний тос, самрын тос |
-
Вата: айдас, түгшүүр, нойргүйдэл
-
Питта: уур, атаа, жөтөө
-
Капха: шунал, гутрал, хамаарал
Эдгээр хуримтлалыг задлахын тулд иллэг хийж, эсвэл хатуу гадаргуу дээр хөлийн улаа эргүүлэн хөдөлгөхийг зөвлөдөг. Мөн аюрведын уламжлалд, хөлийн уланд биеийн долоон чакра байрладаг гэж үздэг. Тэдгээрийг өдөөх нь ухамсар, дотоод тэнцвэрт байдалд эерэгээр нөлөөлдөг.
-
Өсгийн доод хэсэг – Үндэс чакра (Муладхара)
-
Өсгийн дээд хэсэг – Умайн чакра (Свадхиштхана)
-
Улангийн төв – Нарын төв (Манипура)
-
Улангийн дунд хэсэг – Зүрхний чакра (Анахата)
-
Том хурууны уг – Хоолойн чакра (Вишуддха)
-
Том хурууны дунд – Гурав дахь нүд (Ажна)
-
Хурууны үзүүр – Титэм чакра (Сахасрара) Эдгээрийг дэлгэрэнгүй байдлаар Алтан Мутрын залуужуулах нууц жор номоосоо суралцаарай.
Хөлийн иллэг бол аюрведын онол, түүхэн уламжлал, шинжлэх ухааны тайлбарыг хослуулсан эрүүл мэндийн цогц арга юм. Уншигч та энэ аргыг өөр дээрээ туршиж, өдөр тутмын зуршил болгож чадвал зөвхөн хөлөө ч биш, бие, сэтгэлээ тэнцвэржүүлэх нэг алхмыг хийнэ гэсэн үг.
“Алтан Мутрын Залуужуулах Нууц Жор” номын 5 махбодийн иллэгийг хийж бие, сэтгэлээ анагаагаарай. 5-н цул эрхтэн болон түүний холбогдох сэтгэл хөдлөлийн муу хурсан эрчмийг цэвэрлэх аргийг дэлгэрэнгүй суралцаарай
